Accolade

Ceux qui se mescognoissent, se peuvent paistre de fauces approbations: non pas moy, qui me voy, et qui me recherche jusques aux entrailles, qui sГ§ay bien ce qu'il m'appartient. Il me plaist d'estre moins louГ©, pourveu que je soy mieux congneu. On me pourroit tenir pour sage en telle condition de sagesse, que je tien pour sottise. Je m'ennuye que mes Essais servent les dames de meuble commun seulement, et de meuble de sale: ce chapitre me fera du cabinet: J'ayme leur commerce un peu privГ©: le publique est sans faveur et saveur. Aux adieux, nous eschauffons outre l'ordinaire l'affection envers les choses que nous abandonnons. Je prens l'extreme congГ© des jeux du monde: voicy nos dernieres accolades. Mais venons Г  mon theme. Qu'a faict l'action genitale aux hommes, si naturelle, si necessaire, et si juste, pour n'en oser parler sans vergongne, et pour l'exclurre des propos serieux et reglez? Nous prononГ§ons hardiment, tuer, desrober, trahir: et cela, nous n'oserions qu'entre les dents. Est-ce Г  dire, que moins nous en exhalons en parole, d'autant nous avons loy d'en grossir la pensee? Car il est bon, que les mots qui sont le moins en usage, moins escrits, et mieux teuz, sont les mieux sceus, et plus generalement cognus ...»